प्रसारमाध्यम l दिग्विजय माळकर
अमेरिकेचे राष्ट्राध्यक्ष डोनाल्ड ट्रम्प यांनी स्वतःला येशू ख्रिस्तासारखे दर्शवणारा एक वादग्रस्त फोटो सोशल मीडियावर पोस्ट केल्यानंतर तो हटवण्यात आला आहे. हा फोटो Truth Social वर रविवारी उशिरा पोस्ट करण्यात आला होता.
या चित्रात ट्रम्प यांना आजारी लोकांना बरे करताना, अमेरिकन झेंडे आणि गरुडांच्या पार्श्वभूमीत दाखवण्यात आले होते. मात्र, या पोस्टमुळे मोठा वाद निर्माण झाला, विशेषतः Pope Leo XIV यांच्यासोबत सुरू असलेल्या मतभेदांच्या पार्श्वभूमीवर.
सोमवारी सकाळपर्यंत हा फोटो ट्रम्प यांच्या अकाउंटवर दिसत नव्हता आणि त्याची लिंक उघडल्यावर content is no longer available असा संदेश दिसत होता.
नंतर पत्रकारांशी बोलताना ट्रम्प म्हणाले की, हा फोटो त्यांना येशू म्हणून दाखवण्यासाठी नव्हता, तर डॉक्टर म्हणून दाखवण्यासाठी होता.
मी तो पोस्ट केला होता, आणि मला वाटलं की तो मी डॉक्टर म्हणून दाखवतोय, रेड क्रॉससारखं काहीतरी, असे ते म्हणाले.
तसेच, फक्त फेक न्यूजच याला येशूशी जोडू शकते, असेही त्यांनी सांगितले.
दरम्यान, पोप लिओ XIV यांनी Iran war संदर्भात ट्रम्प प्रशासनावर टीका करताना सांगितले की त्यांना कोणतीही भीती नाही आणि ते आपले मत मांडत राहतील. त्यांनी ट्रम्प यांच्या इराणविरोधी वक्तव्यांना अस्वीकार्य असेही म्हटले आहे.
