कोल्हापूर : प्रसारमाध्यम न्यूज
प्रदूषणची समस्या सध्या फार गंभीर निर्माण झाली आहे. यामध्ये जल, वायू, आवाज, प्रकाश असे प्रदूषणाचे प्रकार आहेत. पैकी वायू प्रदूषण वाढविण्यास वाहने जास्त कारणीभूत ठरतात. वाहनामध्ये दुचाकी वगळता अन्य वाहने प्रदूषण जास्त करतात. प्रदूषणाबरोबर वाहतुकीची कोंडी, पार्किंग हे प्रश्नही गंभीर बनले आहेत. ही समस्याही दुचाकी वगळता अन्य वाहनामुळे गंभीर झाली आहे. म्हणूनच सध्या दुचाकी वाहनांचे महत्त्व अधोरेखीत आहे. आज २१ जून जागतिक टू-व्हीलर दिवस. हा दिवस दोनचाकी वाहनांच्या वापराचे महत्त्व जागरूक करण्यासाठी साजरा केला जातो. दोनचाकी वाहने म्हणजे मोटारसायकल, स्कूटर, बाईक इत्यादी, जे आपल्या दैनंदिन जीवनात खूप उपयुक्त ठरतात. यानिमित्त टू व्हीलारचे महत्त्व जाणून घेऊया..
- पर्यावरणपूरक वाहन : टू-व्हीलर्स तुलनेने कमी इंधन वापरतात आणि प्रदूषण कमी करतात. त्यामुळे पर्यावरणासाठी हे वाहन फायदेशीर आहेत.
- वाहनांची किफायतशीरता : टू-व्हीलर वाहनांची खरेदी आणि देखभाल खर्च कमी असतो. त्यामुळे आर्थिक दृष्ट्या हा पर्याय सर्वसामान्य माणसासाठी सुलभ असतो.
- वाहनचालकांसाठी सोय : शहरात ट्राफिक जाममध्ये टू-व्हीलर सहज हालचाल करू शकतात. त्यामुळे वेळ वाचतो आणि प्रवास अधिक सोयीस्कर होतो.
- रोजंदारीसाठी उपयुक्तता : अनेक लोकांचे रोजंदारीचे आणि छोटे व्यावसायिक कामं टू-व्हीलरच्या माध्यमातून सोपं होते, जसे की डिलीव्हरी, वाहतूक, वाहतूक सेवा इत्यादी
सुरक्षा आणि नियमांबाबत जागरूकता : या दिवशी टू-व्हीलर वापरकर्त्यांमध्ये सुरक्षा नियमांचे पालन करण्याचे महत्त्व आणि जागरूकता वाढवली जाते.
नवीन तंत्रज्ञान आणि नवकल्पनांचा प्रचार : टू-व्हीलर उद्योगातील नव्या तंत्रज्ञानाचा आणि पर्यावरणपूरक वाहने जसे की इलेक्ट्रिक बाईक्स यांचा प्रचार केला जातो.
एक किवा दोन माणसांसाठी चारचाकी कशासाठी वापरायची असा प्रश्न प्रत्येकाला पडला पाहिजे. यामुळे अर्थात चारचाकीमुळे अनेक प्रश्न निर्माण होतात. प्रदूषण, वाहतुकीची कोंडी, पार्किंग, शारीरिक व मानसिक आजार इत्यादी. याएवजी दुचाकी वापरणे जास्त सोयीस्कर ठरते. चला तर मग वाहतूक व प्रदूषण समस्येतून मार्ग काढण्यासाठी आजपासून दुचाकीचा वापरूया.
————————————————————————————————–
