प्रसारमाध्यम l दिग्विजय माळकर
Strait of Hormuz मध्ये वाढलेल्या तणावाच्या पार्श्वभूमीवर United States आणि Iran आमनेसामने आले आहेत. अमेरिकेने होर्मुझमध्ये नाकाबंदी लागू करत जहाजांच्या हालचालींवर नियंत्रण मिळवण्याचा प्रयत्न सुरू केला असताना China ने मोठं पाऊल उचलत ही नाकाबंदी धुडकावून लावली.
अमेरिकेची नाकाबंदी सुरू झाल्यानंतर काही तासांतच चिनी रिच स्टारि टँकरने होर्मुझ सामुद्रधुनी सुरक्षितपणे पार केली. या घटनेमुळे अमेरिकेच्या कारवाईवर प्रश्नचिन्ह निर्माण झाले आहे. हा टँकर सुमारे २.५ लाख बॅरल मेथनॉल वाहून नेण्याची क्षमता असलेला मध्यम आकाराचा जहाज आहे आणि तो यूएईतील हमरियाह बंदरातून निघाला होता.
विशेष म्हणजे, या टँकरवर आधीच अमेरिकेने निर्बंध लादले होते. तरीही त्याने कोणत्याही अडथळ्याशिवाय मार्गक्रमण केल्यामुळे अमेरिकेच्या नाकाबंदीच्या प्रभावावर शंका निर्माण झाली आहे.
दरम्यान, आणखी एक निर्बंधित टँकर मुरलीकिशन देखील होर्मुझमध्ये दाखल झाला असून तो लवकरच इराकमधून तेल भरणार आहे. या घडामोडींमुळे जागतिक तेल बाजारात अस्थिरता वाढली असून कच्च्या तेलाचे दर प्रति बॅरल १०० डॉलरच्या आसपास पोहोचले आहेत.
या तणावाच्या पार्श्वभूमीवर Pakistan मध्ये अमेरिका-इराण चर्चेचा प्रयत्न करण्यात आला, मात्र तो निष्फळ ठरला. पंतप्रधान Shehbaz Sharif मध्यस्थी करत असले तरी होर्मुझवरील नियंत्रण, युरेनियम आणि प्रादेशिक कारवाया यांसारख्या मुद्द्यांवर दोन्ही देशांमध्ये अजूनही मतभेद कायम आहेत.
एकूणच, होर्मुझ सामुद्रधुनीतील वाढता संघर्ष जागतिक स्तरावर चिंतेचा विषय ठरत असून परिस्थिती आणखी गंभीर होण्याची शक्यता व्यक्त केली जात आहे.
