spot_img
सोमवार, सप्टेंबर 22, 2025

9049065657

Homeपर्यटनमहामंडळात कंत्राटी भरतीचा निर्णय

महामंडळात कंत्राटी भरतीचा निर्णय

३० हजार वेतन आणि प्रशिक्षणाची सुविधा

मुंबई : प्रसारमाध्यम वृत्तसेवा

महाराष्ट्र राज्यातील प्रवाशांसाठी अखंडित व दर्जेदार बससेवा सुनिश्चित करण्यासाठी एसटी महामंडळाने मोठा निर्णय घेतला आहे. बससेवा सुरळीत ठेवण्यासाठी १७,४५० चालक व सहाय्यक पदांसाठी कंत्राटी पद्धतीने भरती राबविण्यात येणार आहे.

महाराष्ट्र राज्य मार्ग परिवहन महामंडळाच्या संचालक मंडळ बैठकीत घेतलेल्या निर्णयानुसार, आवश्यक चालक व सहाय्यक मनुष्यबळ भाडेतत्त्वावर ( कंत्राटी पद्धतीने ) तीन वर्षांसाठी भरती करण्यासाठी ई-निविदा प्रक्रिया राबविण्यात येणार आहे. ही प्रक्रिया राज्यातील सहा प्रादेशिक विभाग निहाय लागू होईल.

परिवहन मंत्री आणि एसटी महामंडळाचे अध्यक्ष प्रताप सरनाईक यांनी सांगितले की, ” बससेवेची वाढती मागणी लक्षात घेता, योग्य मनुष्यबळ उपलब्ध झाल्यानंतर प्रवाशांना अखंडित, सुरक्षित आणि दर्जेदार बससेवा पुरविणे शक्य होईल.”

थोडक्यात 

  • भरती प्रकार : कंत्राटी (३ वर्षांसाठी)
  • निविदा प्रक्रिया : ई-निविदा पद्धतीने, सहा प्रादेशिक विभाग निहाय
  • उपलब्ध वेतन : अंदाजे ₹ ३०,००० /- प्रति महिना
  • प्रशिक्षण : उमेदवारांना एसटी कडून प्रशिक्षण मिळणार
  • लक्ष्य : वाढती बससेवा व प्रवाशांसाठी अखंडित सेवा
राज्य सरकारच्या निर्णयाचा व्यापक परिणाम
  • काही दिवसांपूर्वी राज्य पोलीस दलातील रिक्त पदांसाठी भरती मंजूर झाली.

  • लांबलेली भरती प्रक्रिया आता गतीमान होणार, ज्यामुळे अनेक बेरोजगार तरुणांना मोठा दिलासा मिळणार आहे.

यासाठी इच्छुक उमेदवारांनी अर्जाची तयारी लगेच सुरू करणे गरजेचे आहे. या संधीचा फायदा घेऊन अनेक तरुणांना रोजगाराची खात्री मिळणार आहे.
————————————————————————————————————————
RELATED ARTICLES
Be the first to write a review

LEAVE A REPLY

Please enter your comment!
Please enter your name here

Advertismentspot_img

Most Popular

- Advertisment -spot_img

Recent Comments