कोल्हापूर : प्रसारमाध्यम न्यूज
आंतरराष्ट्रीय राजकारणात घडत असलेल्या घडामोडींचा परिणाम बाजारावर होत आहे. अमेरिका आणि चीनमध्ये सुरू असलेल्या टॅरिफ वॉरमुळे सोन्याच्या दराने ९६ हजार प्रति तोळा दर गाठला आहे. मागील काही दिवस सोन्याच्या दरात घसरण झाली होती. मात्र, मागील दोन दिवसात सोन्याच्या दराने उसळी घेतली आहे. आता तज्ज्ञांनी मोठे भाकीत केले आहे. त्यामुळे आता सोन्याचा दर सामान्यांची झोप उडवणार आहे.
सोन्याबाबत मोठी बातमी आली आहे. आतापर्यंत तुम्हाला वाटत असेल की, सोने खूप महाग आहे असे अनेकांना वाटत होते. मात्र, सोन्याचे दर आणखी खूपच महाग होण्याची शक्यता आहे. सोन्याचा भाव प्रति १० ग्रॅम एक लाख रुपयांच्या आसपास राहील असा तुमचा अंदाज असेल तर तज्ज्ञांनी व्यक्त केलेल्या मतामुळे तुम्हाला धक्का बसण्याची शक्यता आहे.
सोन्याचा दर गाठणार दोन लाखांचा टप्पा…
सोन्याचा दर प्रति तोळा लवकरच दोन लाखांचा टप्पा गाठण्याची शक्यता आहे. सोन्याचा भाव लवकरच प्रति १० ग्रॅम २,१८,५०० रुपयांपर्यंत पोहोचू शकतो. स्विस एशिया कॅपिटलचे जुर्ग केनर यांनी दिलेल्या एका मुलाखतीत कमोडिटी मार्केटबद्दल ही मोठी भविष्यवाणी केली आहे. गाठण्यासाठी किमान 5 वर्षांचा अवधी लागणार असल्याचे तज्ज्ञांनी म्हटले आहे. याचा अर्थ पुढील 5 वर्षात देशातील बहुमतांशी जण सोने खरेदी करू शकत नाही. संवाद साधताना तज्ज्ञांनी सांगितले की, सोन्याचा भाव प्रति औंस ८००० डॉलर्सच्या नवीन विक्रमी किमतीपर्यंत पोहोचू शकतो. सोने आणि चांदीच्या किमतींमध्ये दीर्घकाळात मोठी वाढ दिसून येईल, तर कच्च्या तेलाच्या किमतीत आणखी घसरण होण्याची शक्यता आहे.
सोन्याचा दर कसा गाठणार दोन लाखाचा टप्पा?
सोन्याचा दर प्रति औंस ८००० डॉलरपर्यंत गेल्यास भारतीय बाजारपेठेत त्याची किंमत किती होईल?
$८००० प्रति औंस (सोन्याची किंमत)
१ औंस = ३१.१०३५ ग्रॅम
समजा सध्याचा डॉलर ते रुपया विनिमय दर सुमारे ₹८५ आहे (सध्याच्या किमतीच्या आसपास).
आता, $८००० × ₹८५ = ₹ ६,८०,०००प्रति औंस
तर, प्रति औंस $ ८००० म्हणजे अंदाजे ₹६,८०,००० प्रति औंस.
आता जर आपण ते १० ग्रॅमच्या बाबतीत मोजले (जसे की भारतात सोन्याचे भाव सहसा सांगितले जातात), तर:
₹६,८०,००० ÷ ३१,१०३५ = ₹ २१,८६२ प्रति ग्रॅम
म्हणजे १० ग्रॅम सोन्याची किंमत अशी असेल :
₹ २१,८६२.४९ × १० = ₹ २,१८,५००
स्विस एशिया कॅपिटलचे जुर्ग केनर म्हणाले की, सोन्याच्या किमतीतील वाढ सुरूच राहील. प्रथम, थोडीशी सुधारणा दिसून येईल. जिथे सोन्याचे भाव प्रति औंस $२८०० ते $२९०० च्या पातळीवर येऊ शकतात. यानंतर, जुलै २०२५ पर्यंत सोन्याचे भाव प्रति औंस ३५०० डॉलरपर्यंत पोहोचण्याची अपेक्षा आहे. पुढील ५ वर्षांत सोने प्रति औंस ८००० डॉलरपर्यंत पोहोचू शकते.
