कोल्हापूर : प्रसारमाध्यम न्यूज
सामाजिक न्याय व विशेष सहाय्य विभागाच्या गुणवंत मुलांचे शासकीय वसतीगृह, दसरा चौक, कोल्हापूर या वसतीगृहामार्फत समाजातील मागासवर्गीय विद्यार्थ्यांची शैक्षणिक गुणवत्ता सुधारण्याकरिता मोफत वसतीगृह प्रवेश देण्यात येत आहे.
शैक्षणिक वर्ष सन २०२५-२६ मध्ये दहावी उत्तीर्ण व इयत्ता अकरावी मध्ये कोल्हापूर शहर व परिसरामधील कनिष्ठ महाविद्यालयात प्रवेश घेऊ इच्छुक विद्यार्थ्यांनी ऑनलाईन व ऑफलाईन अर्ज करावा, असे आवाहन गृहपाल एम.एन.जगताप यांनी केले.
कोणाला प्रवेश – अनुसूचित जाती, अनूसूचित जमाती, विमुक्त जाती, भटक्या जमाती, विशेष मागास, इतर मागास व आर्थिक दृष्ट्या मागास, अपंग, अनाथ इत्यादी प्रवर्गातील विद्यार्थ्यांना मोफत भोजन, निवास व इतर शैक्षणिक सोईसुविधा पुरविण्यात येतात.
प्रवेश घेऊ इच्छुक विद्यार्थ्यांनी – सहाय्यक आयुक्त, समाज कल्याण, कोल्हापूर व गुणवंत मुलांचे शासकीय वसतीगृह, दसरा चौक, कोल्हापूर येथे दूरध्वनी क्रमांक – ०२३१-२५४७२६४ व मो. ८३०८३७९०९९ वर संपर्क साधावा.
पाचगाव येथील डॉ. बाबासाहेब आंबेडकर मागासवर्गीय मुलांच्या वसतिगृहात प्रवेश सुरु –
डॉ. बाबासाहेब आंबेडकर मागासवर्गीय मुलांचे शासकीय वसतिगृह, पाचगाव येथे शैक्षणिक वर्ष सन २०२५-२६ मध्ये ऑनलाईन प्रवेश प्रक्रिया ८ वी ते ११ वी, व्यावसायिक महाविद्यालय, बिगर व्यावसायिक महाविद्यालयात प्रवेश घेण्यासाठी इच्छुक कोल्हापूर शहर व परिसरामधील विद्यार्थ्यांनी सहायक आयुक्त, समाज कल्याण, कोल्हापूर व डॉ. बाबासाहेब आंबेडकर मागासवर्गीय मुलांचे शासकीय वसतिगृह पाचगाव, कोल्हापूर येथे संपर्क साधावा, असे आवाहन वसतिगृहाचे अधीक्षक किरण पाटील यांनी केले आहे.
वसतिगृहात अनुसूचित जाती, अनुसूचित जमाती, विमुक्त जाती व भटक्या जमाती, विशेष मागासवर्गीय, इतर मागास व आर्थिकदृष्ट्या मागास, अपंग, अनाथ, इत्यादी प्रवर्गातील विद्यार्थ्यांना मोफत शैक्षणिक सोयीसुविधा पुरविण्यात येतात. अधिक माहितीसाठी भ्रमणध्वनी क्रमांक – ९७६४७४५०७२, ९५०३३७६५३३ वर संपर्क साधावा, असे ही श्री. पाटील यांनी पत्रकाव्दारे कळविले आहे.
गारगोटी येथील मागास व आर्थिकदृष्टया मागास मुलींच्या शासकीय वसतिगृहात मोफत प्रवेश सुरु –
इ. ८ वी पासून ते उच्च शिक्षणापर्यंत प्रवेश दिला जात असून वसतिगृहात प्रवेश घेऊ इच्छिणाऱ्या विद्यार्थीनींनी मागास व आर्थिकदृष्ट्या मागास मुलींचे शासकीय वसतिगृह, के. डी. देसाई कॉलनी, गारगोटी , ता. भुदरगड, जि. कोल्हापूर या वसतिगृहाशी संपर्क साधावा, असे आवाहन वसतिगृहाच्या गृहपालांनी केले आहे.
वसतिगृहात अनुसूचित जाती, असूसुचित जमाती, विमुक्त जाती व भटक्या जमाती, विशेष मागासवर्गीय, इतर मागास व आर्थिकदृष्टया मागास, अपंग, अनाथ प्रवर्गातील विद्यार्थिनींना राहण्याची तसेच जेवणाची व्यवस्था मोफत केली जाते. तसेच दरमहा ६०० रुपये निर्वाहभत्ता, गणवेश भत्ता, स्टेशनरी भत्ता व सहल भत्ता दिला जातो. अधिक माहितीसाठी ०२३२४- २२०६७७ वर संपर्क साधावा.
—————————————————————————————————–
