कोल्हापूर : प्रसारमाध्यम न्यूज
मुख्यमंत्री लाडकी बहीण योजनेचे दोन महिन्याचे पैसे लवकरच मिळण्याची शक्यता आहे. ऑगस्ट आणि सप्टेंबर अशा दोन महिन्यांचे मिळून असे ३ हजार रुपये या महिन्यातच मिळण्याची शक्यता आहे. मात्र, हे हप्ते एकत्र देणार की, दोन वेगवेगळ्या तारखांना दिले जाणार याबाबत अद्याप स्पष्ट माहिती नाही. तसेच या संदर्भात अद्याप कोणतीही अधिकृत घोषणा सरकारकडून करण्यात आलेली नाही.
दरम्यान लाडकी बहीण योजनेच्या वर्गीकरणाविषयी मंत्री अदिती तटकरे यांनी स्पष्टीकरण केलं आहे, आमच्याकडे लाडक्या बहिणीसाठी हे रजिस्ट्रेशन होत, ते २ कोटी ६३ लाखांपेक्षा जास्त होतं. सगळ्या विभागाकडून आम्ही डेटा मागवला होता. नमो शेतकरी योजना आणि लाडकी बहिण अस एकत्र करून त्यांना १५०० रुपये दिले. त्यात नमो शेतकरी योजनेचे १००० लाख रुपये आहेत. वर्गीकरण केल्याने तो आकडा २ कोटी ४८ लाखांवर आला, ती केली नसती तर हा आकडा कमी झाला नसता.
मुख्यमंत्री लाडकी बहिण योजनेचा गरीब व ग्रामीण भागातील महिलांना आधार आहे. या योजनेतर्गत महिन्याला एका महिलेला दीड हजार रुपये राज्य सरकारमार्फत दिले जातात. गेल्या महिन्याचे पैसे अद्याप महिलांच्या खात्यावर जमा झाले नाहीत. सध्या सणासुधीचे दिवस आहेत. पैशाचीही गरज आहे. महिलांचे या योजेचे पैसे केव्हा मिळणार याकडे लक्ष लागून राहिले आहे. शासनालाही याची जाणीव आहे. आता या योजेनेचे पैसे लवकरच मिळण्याचे संकेत मिळत आहेत.
यापूर्वी अनेक सरकारी कर्मचारी महिलांनी देखील या योजनेचा गैरफायदा घेतल्याचे समोर आले होते. तब्बल २ हजारांहून अधिक सरकारी कर्मचाऱ्यांनी लाडकी बहीण योजनेचा गैरफायदा घेत त्याचे पैसे लाटल्याचे उघड झाले होते. सरकारी नोकरीतून पैसा, वेतन आयागोचे फायदे असतानाही अनेक महिलांनी लाडकी बहीणसाठी अर्ज केला. तर दारिद्र्य रेषेखालील महिलांसाठी सुरू केलेल्या या योजनेचा १४ हजारांपेक्षा जास्तच पुरूषांनी या योजनेचा गैरफायदा घेत कोट्यवधी रुपये लाटल्याचेही उघड झाले होते. दरम्यान लाडक्या बहिणींच्या पैशांचा लाभ लाटणाऱ्या कर्मचाऱ्यांवर कारवाई होणार असून राज्य सरकारकडून कारवाईचे आदेश जारी करण्यात आल्याची माहिती सूत्रांनी दिली.
———————————————————————————————–
