प्रसारमाध्यम l दिग्विजय माळकर
कोल्हापूर रेल्वे प्रवासादरम्यान चोरी, अस्वच्छता किंवा अचानक उद्भवणाऱ्या आरोग्य समस्या यामुळे आता प्रवाशांना हतबल होण्याची गरज नाही. भारतीय रेल्वेने प्रवाशांच्या सुविधेसाठी ‘रेल मदत’ (Rail Madad) हे एकात्मिक डिजिटल प्लॅटफॉर्म उपलब्ध करून दिले आहे. कोल्हापूरच्या श्री छत्रपती शाहू महाराज टर्मिनससह देशभरातील प्रवाशांसाठी हे अँप आता ‘संकटमोचक’ ठरत आहे.
ठळक वैशिष्ट्ये आणि मिळणाऱ्या सुविधा
वैद्यकीय मदत: प्रवासात तब्येत बिघडल्यास अँप वर कळवताच पुढील स्टेशनवर डॉक्टरांची टीम आणि रुग्णवाहिका सज्ज राहते.
- सुरक्षा व्यवस्था: सामान चोरी, छेडछाड किंवा संशयास्पद हालचालींबाबत तातडीने तक्रार करण्याची सोय.
- स्वच्छतेची खात्री: डब्यातील अस्वच्छता, शौचालयातील पाण्याची कमतरता यावर फोटोसह तक्रार नोंदवता येते.
- त्वरित प्रतिसाद: तक्रार केल्यावर अवघ्या ५ ते १० मिनिटांत रेल्वे अधिकारी प्रवाशाला फोन करून मदतीची खातरजमा करतात.
अँप वापरण्याची सोपी पद्धत (Steps to Use)
१. डाउनलोड: प्ले स्टोअर किंवा अँप स्टोअरवरून ‘Rail Madad’ अँप डाऊनलोड करा.
२. लॉग-इन: आपल्या मोबाईल नंबरद्वारे नोंदणी करा.
३. तपशील भरा: तुमचा PNR नंबर किंवा ट्रेन नंबर टाका.
४. तक्रार निवडा: तक्रारीचा प्रकार निवडा, गरज असल्यास फोटो अपलोड करा आणि सबमिट करा.
“प्रवाशांनी कोणत्याही अडचणीच्या वेळी न घाबरता या अँप चा वापर करावा. रेल्वे प्रशासन तुमच्या सेवेसाठी २४ तास तत्पर आहे.”
विजय कुमार, रेल्वे प्रबंधक, कोल्हापूर.
‘रेल मदत’ अँप बद्दल अधिक माहिती (Additional Facts)
केवळ तक्रार निवारणच नाही, तर या अँप मध्ये अनेक प्रगत फीचर्स आहेत:
एकात्मिक हेल्पलाईन (139): या अँप मध्ये रेल्वेच्या १३९ या हेल्पलाईन नंबरचे एकत्रीकरण करण्यात आले आहे, ज्यामुळे फोन कॉल आणि अँप दोन्ही एकाच प्लॅटफॉर्मवर चालतात.
वेब पोर्टल: जर तुमच्याकडे स्मार्टफोन नसेल, तर तुम्ही railmadad.indianrailways.gov.in या वेबसाइटवरूनही मदत मागू शकता.
बहुभाषिक सपोर्ट: हे अँप भारतातील प्रमुख प्रादेशिक भाषांमध्ये उपलब्ध आहे, ज्यामुळे ग्रामीण भागातील प्रवाशांनाही वापरणे सोपे जाते.
रिअल-टाइम ट्रॅकिंग: तुमची तक्रार कोणत्या टप्प्यावर आहे आणि त्यावर काय कारवाई झाली, हे तुम्ही लाईव्ह पाहू शकता.
या लिंक वर क्लिक करून तुम्ही रेल मदत अँप डाउनलोड करू शकता.
https://play.google.com/store/apps/details?id=cris.railmadad&pcampaignid=web_share
