ग्रामीण तरुणांना पशुपालनासाठी कर्ज योजना

कोल्हापूर : प्रसारमाध्यम न्यूज

ग्रामीण अर्थव्यवस्थेत शेतीसोबतच पशुपालनालाही तितकेच महत्त्व आहे. दुग्धव्यवसाय, शेळीपालन, कुक्कुटपालन किंवा इतर पशुपालनाशी संबंधित व्यवसायातून मोठ्या प्रमाणावर रोजगारनिर्मिती होते. शहरांकडे रोजगारासाठी जाण्याऐवजी अनेक तरुण गावातच व्यवसाय सुरू करण्याचा पर्याय निवडत आहेत. मात्र, भांडवलाच्या अभावामुळे त्यांचे स्वप्न अनेकदा अर्धवट राहते. अशा तरुणांसाठी स्टेट बँक ऑफ इंडिया (SBI) ची पशुपालन कर्ज योजना मोठा आधार ठरत आहे.

योजना काय आहे ?

ही योजना विशेषतः दुग्धव्यवसाय, शेळीपालन, कुक्कुटपालन तसेच इतर पशुपालनाशी संबंधित उपक्रमांसाठी आहे. या योजनेअंतर्गत शेतकरी आणि ग्रामीण तरुणांना

• जनावरे खरेदी,

• शेड बांधणी,

• चाऱ्याची सोय,

• पाणी व देखभालीची सुविधा

यासाठी कर्ज उपलब्ध करून दिलं जातं.

योजनेची वैशिष्ट्ये

• कमी व्याजदराने कर्जाची सुविधा

• किमान कागदपत्रांसह अर्ज प्रक्रिया

• सोयीस्कर हप्त्यांमध्ये परतफेडीची सोय

• ग्रामीण भागात रोजगारनिर्मितीस चालना

• आत्मनिर्भर भारत अभियानाशी जोडलेली योजना

कर्जाची रक्कम व व्याजदर

• किमान १ लाख ते जास्तीत जास्त १० लाख रुपये कर्ज उपलब्ध

• व्याजदर साधारण ७ टक्के वार्षिक, मात्र अर्जदाराची पात्रता आणि कर्जरकमेप्रमाणे फरक होऊ शकतो.

मुख्य फायदे

• स्वतःचा व्यवसाय उभारण्याची संधी

• दूध, मांस, अंडी इत्यादींपासून नियमित उत्पन्न

• दूध केंद्रे, चारा विक्रेते यांसारख्या पुरवठा साखळीला चालना

• अप्रत्यक्ष रोजगारनिर्मिती

कोण घेऊ शकतो हे कर्ज ?

• भारतीय नागरिक असणे आवश्यक

• वय १८ ते ४५ वर्षे दरम्यान

• एसबीआयचा नियमित ग्राहक असणे

• चांगला क्रेडिट स्कोअर असणे

• कोणतेही मोठे कर्ज थकित नसणे

• आयकरदात्या श्रेणीत नसणे ( कमी उत्पन्न गटासाठी विशेष तरतूद )

आवश्यक कागदपत्रे

• आधार कार्ड, पॅन कार्ड

• पासपोर्ट आकाराचे फोटो

• ओळख व निवास प्रमाणपत्र

• बँक पासबुक प्रत

• उत्पन्न प्रमाणपत्र

• व्यवसाय प्रकल्प अहवाल

• जात प्रमाणपत्र (लागू असल्यास)

अर्ज प्रक्रिया –

ऑफलाइन पद्धत

1. जवळच्या एसबीआय शाखेत भेट द्या

2. पशुपालन कर्ज योजनेचा अर्ज भरा

3. आवश्यक कागदपत्रे सादर करा

4. शाखा व्यवस्थापकाकडून मार्गदर्शन घ्या

ऑनलाइन पद्धत

1. एसबीआयच्या अधिकृत वेबसाइटला भेट द्या

2. ‘कृषी कर्ज विभाग’ निवडा

3. ‘पशुपालन कर्ज योजना’ पर्याय निवडून अर्ज भरा

4. कागदपत्रे अपलोड करा

5. अर्जाची स्थिती ऑनलाइन ट्रॅक करा

एसबीआयची ही योजना ग्रामीण तरुण आणि शेतकऱ्यांसाठी स्वावलंबनाचा मार्ग खुला करत आहे. रोजगारनिर्मितीबरोबरच गावागावातील दुग्ध व पशुपालन उद्योगाला चालना मिळून ग्रामीण अर्थव्यवस्थेला नवे बळ मिळणार आहे.

——————————————————————————————