२०५ अरबपतींसह भारत जागतिक क्रमवारीत तिसऱ्या स्थानी

नवी दिल्ली : प्रसारमाध्यम वृत्तसेवा

फोर्ब्सने जुलै २०२५ मध्ये भारतातील टॉप दहा अरबपतींची यादी जाहीर केली असून, मुकेश अंबानी यांनी पुन्हा एकदा अव्वल स्थान मिळवले आहे. देशातील अरबपतींची संख्या आता २०५ झाली असून, यामुळे भारत अमेरिका आणि चीननंतर जगात तिसऱ्या स्थानावर पोहोचला आहे.

विशेष म्हणजे, यंदाच्या यादीत DLF समूहाचे कुशल पाल सिंह यांनी नव्या चेहऱ्याप्रमाणे दहाव्या स्थानावर प्रवेश केला आहे. तर सावित्री जिंदाल या एकमेव महिला उद्योजिका चौथ्या स्थानी असून, त्यांनी स्टील आणि पॉवर क्षेत्रात भरीव कामगिरी केली आहे.

भारताचे टॉप दहा श्रीमंत उद्योजक – फोर्ब्स जुलै २०२५

दुसऱ्या क्रमांकावर असलेले गौतम अदानी यांचा अदानी ग्रुप भारताचा सर्वात मोठा एअरपोर्ट ऑपरेटर मानला जातो. मात्र, २०२३ मध्ये हिंडनबर्ग रिसर्चकडून आर्थिक अपारदर्शकतेच्या आरोपांमुळे त्यांच्या ग्रुपच्या शेअर्समध्ये मोठी घसरण झाली होती. परिणामी त्यांची संपत्ती $१२० अब्जने घटली.

महिला शक्तीचं प्रतिनिधित्व – सावित्री जिंदल

यादीतील एकमेव महिला सावित्री जिंदल यांनी $३७.३ अब्ज संपत्तीच्या जोरावर चौथं स्थान मिळवलं. जिंदाल ग्रुपमधून आलेल्या संपत्तीसह त्या राजकारणातही सक्रीय असून, त्या उद्योग आणि सामाजिक बांधिलकीचं उदाहरण मानल्या जातात.

एकूण संपत्तीत थोडी घट

भारतातील अरबपतींची संख्या वाढली असली तरी यावर्षीची एकूण संपत्ती $ ९४१ अब्ज इतकी आहे, जी मागील वर्षाच्या $९५४ अब्जच्या तुलनेत थोडीशी कमी आहे. यामागील प्रमुख कारण म्हणजे काही मोठ्या कंपन्यांचे शेअर बाजारमूल्य घसरले आहे.

नवीन चेहरा: कुशल पाल सिंह

DLF रिअल इस्टेट कंपनीचे प्रमुख कुशल पाल सिंह यांचा यादीत प्रथमच समावेश झाला आहे. एक माजी सैनिक असलेले सिंह यांनी आपल्या सासऱ्याची कंपनी १९६१ पासून पुढे नेली आणि आता भारतातील रिअल इस्टेट क्षेत्रात अग्रगण्य ठरले आहेत.

फोर्ब्सची ही यादी केवळ आर्थिक यशाचे प्रतिबिंब नसून, भारताच्या उद्योग, विज्ञान, औषधनिर्माण, रिअल इस्टेट, तंत्रज्ञान आणि सामाजिक बांधिलकीचा आरसा आहे. नव्या चेहऱ्यांचा उदय आणि महिलांचं स्थान ही बाब देशासाठी निश्चितच सकारात्मक आणि प्रेरणादायक आहे.

—————————————————————————————————–