महाराष्ट्रात सोन्या-चांदीचे सीमोल्लंघन

कोल्हापूर : प्रसारमाध्यम न्यूज

दसऱ्याच्या पार्श्वभूमीवर महाराष्ट्रातील प्रमुख सराफ बाजारात सोन्या-चांदीच्या दरांनी पुन्हा एकदा झेप घेतली आहे. जळगावच्या सराफ बाजारात सलग दुसऱ्या दिवशी तब्बल १,५०० रुपयांची वाढ झाली असून दोन दिवसांत सोन्या-चांदीत प्रत्येकी अडीच हजार रुपयांची उसळी नोंदली गेली आहे.

• सोने ( जीएसटीसह ) : ₹१,२०,५०० प्रति तोळा

• चांदी  ( जीएसटीसह ) : ₹१,५१,००० प्रति किलो

काल ( २९ सप्टेंबर ) येथे सोन्याने ₹ १,१९,३०० तर चांदीने ₹ १,५०,००० चा उच्चांक गाठला होता. म्हणजेच दोन दिवसांत सोन्याचा भाव तब्बल ₹ २,५०० ने आणि चांदीचा भाव ₹ २,५०० ने वाढला आहे.

 goodreturns.in नुसार राष्ट्रीय दर ( ३० सप्टेंबर सकाळी )

• २४ कॅरेट १ ग्रॅम सोने : ₹ ११, ८४६ 

• २२ कॅरेट १ ग्रॅम सोने : ₹ १०, ८६० 

• चांदी १ किलो :  ₹ १, ५१, ००० 

 IBJA सकाळचे दर  (कराशिवाय)

• २४ कॅरेट (१० ग्रॅम) : ₹ १,१६,९०० 

• २३ कॅरेट : ₹ १,१६,४४० 

• २२ कॅरेट : ₹ १,०७,००८ 

• १८ कॅरेट : ₹ ८७,६८० 

• १४ कॅरेट : ₹ ६८,३९० 

• चांदी (१ किलो) : ₹ १,४४, ३८७ 

IBJA दरांमध्ये कर आणि मेकिंग चार्जेस समाविष्ट नसल्याने सराफा बाजारातील भाव यापेक्षा जास्त दिसतात.

कोल्हापूर-सांगली-सातारा अंदाजे बाजारभाव (३० सप्टेंबर)

(स्थानिक व्यापाऱ्यांच्या माहितीनुसार)

• कोल्हापूर : २४ कॅरेट सोने ₹ १,२०,३०० प्रति तोळा, चांदी ₹ १, ५०,८०० प्रति किलो

• सांगली : २४ कॅरेट सोने ₹१,२०, २०० प्रति तोळा, चांदी ₹ १,५०,७०० प्रति किलो

• सातारा : २४ कॅरेट सोने ₹ १, २०, १०० प्रति तोळा, चांदी ₹ १,५०,६०० प्रति किलो

गेल्या आठवड्याच्या अखेरीसच चांदी तब्बल ₹ ९,००० ने महागली होती. त्यात २९ व ३० सप्टेंबर रोजी प्रत्येकी ₹ १,००० वाढ झाल्याने चांदीच्या दराने ₹ ११,००० ची झेप घेतली आहे. डॉलरच्या तुलनेत रुपयाची घसरण, आंतरराष्ट्रीय वायदे बाजारातील हालचाल आणि दसरा सणाच्या मागणीमुळे ही उसळी झाल्याचे सराफा व्यापाऱ्यांचे मत आहे.

दसरा मुहूर्तावर सोने खरेदी करणे शुभ मानले जाते. मात्र सलग वाढलेल्या दरामुळे ग्राहकांना मोठा खर्च करावा लागणार आहे. अनेक ग्राहक गुंतवणुकीपेक्षा प्रतीक्षा करण्याचा पर्याय निवडत आहेत, तर काही जण छोट्या प्रमाणात खरेदी करून परंपरा निभावत आहेत.

————————————————————————————————————————–