मध्यपूर्वेत तणाव वाढला; अमेरिकन नागरिकांना ‘हे’ १४ देश तत्काळ सोडण्याचा इशारा !

मध्यपूर्वेत वाढत्या तणावाच्या पार्श्वभूमीवर अमेरिकेच्या परराष्ट्र विभागाने गंभीर सुरक्षा धोका जाहीर करत १४ देशांतील आपल्या नागरिकांना तातडीने बाहेर पडण्याचा अलर्ट जारी केला आहे. United States Department of State कडून जारी करण्यात आलेल्या या सूचनेत व्यावसायिक विमानसेवा किंवा उपलब्ध कोणत्याही मार्गाने देश सोडण्याचे आवाहन करण्यात आले आहे.

असिस्टंट सेक्रेटरी ऑफ कॉन्सुलर अफेअर्स मोरा नामदार यांनी सोशल मीडियावर पोस्ट करत मध्यपूर्वेतील परिस्थिती अत्यंत गंभीर असल्याचे सांगितले. इराणकडून आखाती देशांमधील अमेरिकन दूतावास आणि लष्करी तळांवर ड्रोन व क्षेपणास्त्र हल्ल्यांची तीव्रता वाढल्याचा दावा करण्यात आला आहे.

रियाधमधील अमेरिकन दूतावासावर ड्रोन हल्ला

Riyadh येथील अमेरिकन दूतावासावर अलीकडेच दोन ड्रोन हल्ले झाल्याची माहिती समोर आली आहे. या हल्ल्यांमुळे इमारतीत किरकोळ आग लागली तसेच काही भागाचे नुकसान झाले. Ministry of Defense Saudi Arabia यांनी दिलेल्या माहितीनुसार, या घटनेत कोणतीही जीवितहानी झालेली नाही.

हल्ल्यानंतर रियाध, जेद्दा आणि धहरान येथील अमेरिकन नागरिकांना ‘शेल्टर इन प्लेस’ म्हणजे घरातच राहण्याचा सल्ला देण्यात आला आहे. परिसरात धुराचे लोट पसरल्याने काही काळ भीतीचे वातावरण निर्माण झाले.

१४ देशांमधून बाहेर पडण्याचा अलर्ट

परिस्थितीचा आढावा घेत अमेरिकेने खालील १४ देशांमधून आपल्या नागरिकांना तातडीने बाहेर पडण्याचे निर्देश दिले आहेत.

अनेक विमानतळ तात्पुरते बंद असून उड्डाणे रद्द होत आहेत. तरी उपलब्ध उड्डाणांचा वापर करण्याचे आवाहन करण्यात आले आहे. मदतीसाठी +1-202-501-4444 (परदेशातून) किंवा +1-888-407-4747 (अमेरिकेतून) या हेल्पलाइन क्रमांकांवर संपर्क साधण्याचे निर्देश देण्यात आले आहेत. तसेच STEP.gov वर नोंदणी करण्याचेही आवाहन करण्यात आले आहे.

दरम्यान, अमेरिकेने नागरिकांच्या सुरक्षित सुटकेसाठी इमर्जन्सी टास्क फोर्स सक्रिय केली आहे.