कोल्हापूर : प्रसारमाध्यम न्यूज
महाराष्ट्र राज्य परीक्षा परिषदे मार्फत घेण्यात आलेल्या शिक्षक अभियोग्यता व बुध्दीमत्ता चाचणी (TAIT ) परीक्षा-२०२५ चा निकाल सोमवार, दि. १८ ऑगस्टला जाहीर झाला असल्याची माहिती महाराष्ट्र राज्य परीक्षा परिषदेच्या आयुक्त अनुराधा ओक यांनी दिली.
शासन शुध्दीपत्रका अन्वये उमेदवारांनी व्यावसायिक अर्हता त्याच वेळीच्या संधीत उत्तीर्ण झाल्याचे गुणपत्रक वा अन्य वैध प्रमाणपत्र महाराष्ट्र राज्य परीक्षा परिषदेकडे व्यावसायिक परीक्षा उत्तीर्ण झाल्याच्या दिनांकापासून कमाल एक महिना कालावधीत सादर करण्याबाबत कार्यालया मार्फत प्रसिध्दी पत्रकाव्दारे कळविण्यात आले आहे. परीक्षेस एकूण २ लाख २८ हजार ८०८ परीक्षार्थी उमेदवारांनी नोंदणी केली होती. त्यापैकी परीक्षेस एकूण २ लाख ११ हजार ३०८ प्रविष्ठ झाले होते.
त्यापैकी बी.एड. परीक्षेचे १५ हजार ७५६ ॲपीअर व डी. एस. एड. परीक्षेचे १ हजार ३४२ ॲपीअर असे एकूण १७ हजार १८ विद्यार्थी उमेदवारांनी ॲपीअर म्हणून ऑनलाईन आवेदनपत्र भरले होते. दि. १४ ऑगस्ट २०२५ अखेर बी. एड परीक्षेचे ९९५२ डी.एल.एड परीक्षेच ८२७ असे एकूण १० हजार ७७९ ॲपीअर विद्यार्थी, उमेदवारांची माहिती या कार्यालयास प्राप्त झाली आहे. अशा विद्यार्थ्यांचा, उमेदवारांचा निकाल प्रसिध्द करण्यात येईल.
तथापि ज्या विद्यार्थी, उमेदवारांनी व्यावसायिक अर्हता त्याच वेळीच्या संधीत उत्तीर्ण झाल्याचे गुणपत्रक वा अन्य वैध प्रमाणपत्र व्यावसायिक परीक्षा उत्तीर्ण झाल्याच्या दिनांकापासून कमाल १ महिना कालावधीत महाराष्ट्र राज्य परीक्षा परिषद पुणे या कार्यालयास अद्या पपर्यंत सादर केलेले नाही अशा उर्वरित बी.एड. परीक्षेचे ५ हजार ८०४ व डी.एल.एड परीक्षेचे ५१५ अश एकूण ६ हजार ३१९ Appear विद्यार्थ्यांचा, उमेदवारांचा निकाल राखीव ठेवण्यात येईल.
https://www.mscepune.in/dtedola/TAIT2025InfoAppear.aspx
ज्या वि‌द्यार्थ्यांनी, उमेदवारांनी अद्याप पर्यंत वरील लिंकमध्ये माहिती विहित मुदतीत सादर केली नाही, अशा विद्यार्थी, उमेदवारांनी दिलेल्या लिंकव्दारे विहित मुदतीत माहिती सादर न केल्यास याची सर्वस्वी जबाबदारी सबंधित विद्यार्थी, उमेदवारांची राहिल. तद्‌नंतर याबाबत आलेल्या कोणत्याही प्रकारच्या विनंती अर्जाचा विचार केला जाणार नाही.
—————————————————————————————-
