रवींद्र जडेजाची एलिट क्लबमध्ये एन्ट्री; द. आफ्रिकेविरुद्ध असे करणारा फक्त पाचवा भारतीय

प्रसारमाध्यम प्रतिनिधी :

भारत आणि दक्षिण आफ्रिका यांच्यातील दोन सामन्यांच्या कसोटी मालिकेतील शेवटचा सामना गुवाहाटीच्या बरसापारा क्रिकेट स्टेडियमवर सुरू आहे. या सामन्यात टीम इंडिया कठीण परिस्थितीत असली, तरी भारताचा स्टार अष्टपैलू रवींद्र जडेजा याने एक मोठी ऐतिहासिक कामगिरी आपल्या नावावर केली आहे.

जडेजाने कसोटी क्रिकेटमध्ये दक्षिण आफ्रिकेविरुद्ध ५० विकेट्स पूर्ण केल्या असून, असे करणारा तो भारतातील फक्त पाचवा गोलंदाज ठरला आहे.

दक्षिण आफ्रिकेविरुद्ध कसोटीत सर्वाधिक विकेट्स

या यादीत जडेजाच्या एन्ट्रीनंतर भारताचा हा अनुभवी अष्टपैलू गोलंदाज आता द. आफ्रिकेविरुद्ध सर्वाधिक बळी घेणाऱ्यांच्या एलिट क्लबमध्ये दाखल झाला आहे.

सामन्याची सद्यस्थिती :

भारतीय संघाला सध्या गुवाहाटी कसोटी सामन्यात मोठ्या अडचणींचा सामना करावा लागत आहे.

• पहिला डाव – दक्षिण आफ्रिका : ४८९ धावा

• पहिला डाव – भारत : २०१ धावा (ऑलआउट)

दक्षिण आफ्रिकेने चौथ्या दिवशी दुपारपर्यंत दुसऱ्या डावात २२१ धावा जमवून भारतासमोर ५०० पेक्षा अधिक धावांची भलामोठी आघाडी उभी केली आहे.

या सामन्यातून पराभव टाळणे भारतीय संघासाठी अत्यंत कठीण ठरत आहे आणि सामना वाचवण्यासाठी आता अविश्वसनीय कामगिरीची गरज आहे.