मुंबई : प्रसारमाध्यम वृत्तसेवा
अचानक वैयक्तिक गरज, वैद्यकीय खर्च, शिक्षणासाठीची रक्कम किंवा इतर कोणत्याही कारणासाठी तात्काळ पैशांची गरज भासली, तरी आता काळजी करण्याची गरज नाही. डिजिटल युगात, केवळ पॅन कार्डाच्या आधारे ५ लाख रुपयांपर्यंतचे कर्ज सहज मिळू शकते. प्रक्रिया सुलभ, कागदपत्र कमी आणि मंजुरीही झपाट्याने !
मात्र, यासाठी काही गोष्टींचं भान ठेवणं अत्यावश्यक आहे. खाली दिलेली पायरी-पायरीने माहिती तुम्हाला डिजिटल लोन प्रक्रियेबाबत स्पष्ट मार्गदर्शन देईल.
सर्वप्रथम – तुमचा क्रेडिट स्कोअर तपासा
-
कर्ज मिळवण्यासाठी कमीतकमी ७०० CIBIL स्कोअर आवश्यक असतो.
-
स्कोअर जितका जास्त, तितका व्याजदर कमी आणि मंजुरीचा वेग अधिक.
-
स्कोअर तपासण्यासाठी CIBIL, Paisabazaar, BankBazaar सारख्या संकेतस्थळांचा उपयोग करा.
-
स्कोअर सुधारण्यासाठी क्रेडिट कार्ड बिल वेळेवर भरणं, जुनं कर्ज नियमितपणे फेडणं आवश्यक.
-
लेंडर्सची तुलना करा, सर्वोत्तम पर्याय निवडा
-
प्रत्येक बँक व NBFC च्या अटी, प्रक्रिया आणि व्याजदर वेगळे असतात.
-
ऑनलाइन प्लॅटफॉर्मवरून (जसे की : Paisabazaar, LoanTap, Navi) विविध लेंडर्सची तुलना करा.
-
काही अ‍ॅप्स Pre-approved loan ची सुविधा देतात, जिथे पॅन नंबर टाकताच ऑफर समोर येते.
ऑनलाइन अर्ज भरण्याची प्रक्रिया
-
निवडलेल्या बँकेच्या किंवा अ‍ॅपच्या वेबसाइटवर जा
-
कर्ज रक्कम ( ₹१०,००० ते ₹ ५ लाख) आणि परतफेड कालावधी (१२ ते ६० महिने ) निवडा
-
नाव, मोबाईल नंबर, पत्ता, नोकरीचा तपशील, मासिक उत्पन्न व पॅन कार्ड नंबर टाका
-
पॅन नंबरवरून तुमचा क्रेडिट रिपोर्ट आपोआप प्राप्त होतो
कागदपत्रांची डिजिटल अपलोड प्रक्रिया
-
आवश्यक कागदपत्रे :
-
पॅन कार्ड
-
आधार कार्ड
-
सॅलरी स्लिप / बँक स्टेटमेंट (मागील ३ ते ६ महिने)
-
पासपोर्ट साइज फोटो
-
सेल्फ-एम्प्लॉयड असल्यास : ITR, व्यावसायिक चालू खाती, GST कागदपत्रे
-
-
सर्व दस्तऐवज ऑनलाईन अपलोड केले जातात. संपूर्ण KYC प्रक्रिया डिजिटल होते.
-
फॉर्म सबमिट करा आणि मंजुरीची वाट पहा
-
अर्ज आणि कागदपत्रं सबमिट केल्यानंतर, लेंडर तुमचा क्रेडिट तपासणी करतो.
-
सर्व गोष्टी योग्य असल्यास काही तासांतच कर्ज मंजूर होऊ शकते.
-
बहुतांश प्रकरणांत २४ ते ४८ तासांत रक्कम थेट तुमच्या बँक खात्यात जमा होते.
-
EMI आणि व्याज याबाबतची माहिती अगोदरच स्पष्ट दिली जाते.
-
कर्ज घेतल्यानंतर ‘ही’ खबरदारी घ्या
-
EMI वेळेवर भरणं अत्यावश्यक अन्यथा विलंब शुल्क आणि स्कोअरवर परिणाम
-
फसवणुकीपासून बचाव फक्त RBI-मान्यताप्राप्त NBFC किंवा बँकांकडूनच कर्ज घ्या
-
कोणतंही अ‍ॅप वापरताना यूजर रिव्ह्यू आणि प्लॅटफॉर्मची विश्वासार्हता तपासा
डिजिटल लेंडिंगमुळे वैयक्तिक कर्ज घेणं सोपं झालं असलं तरी ते उत्तरदायित्वाने घेणं फार महत्त्वाचं आहे. केवळ गरज असल्यासच कर्ज घ्या, आणि वेळेवर परतफेड करून आपली क्रेडिट विश्वसनीयता टिकवा.
——————————————————————————————–
