वॉशिंग्टन : प्रसारमाध्यम वृत्तसेवा
अमेरिकेने भारतावर लादलेल्या टॅरिफ मुळे निर्माण झालेल्या तणावात अखेर काहीसा बदल दिसून येत आहे. सततच्या विरोधानंतर अमेरिकेचे माजी अध्यक्ष डोनाल्ड ट्रम्प यांनी आंशिक पाऊल मागे घेत सोन्यावर कोणत्याही प्रकारचा टॅरिफ लागू होणार नसल्याचे स्पष्ट केले. त्यांच्या या निर्णयामुळे आंतरराष्ट्रीय बाजारपेठेत आणि व्यापाऱ्यांमध्ये दिलासा निर्माण झाला आहे.
मागील काही दिवसांपासून सोन्यावर मोठ्या प्रमाणात टॅरिफ लावण्याची शक्यता वर्तवली जात होती, ज्यामुळे बाजारात खळबळ माजली होती आणि किंमती सतत वाढत होत्या. मात्र, ट्रम्प यांच्या घोषणेनंतर सोन्याच्या भावात मोठी घसरण झाली. मल्टी कमोडिटी एक्सचेंजवर (MCX) सोन्याचा दर अचानक ₹ १,४०० पेक्षा जास्त घसरला.
देशांतर्गत बाजारातही याचा तात्काळ परिणाम दिसून आला. इंडियन बुलियन ज्वेलर्स असोसिएशनच्या (IBJA) वेबसाइटनुसार, सोमवारी २४ कॅरेट सोन्याचा दर प्रति १० ग्रॅम ₹ १,००,२०१ होता, जो दिवसाच्या अखेरीस ₹ ९९,९७५ वर बंद झाला. म्हणजेच दरात ₹ २४४ ची घसरण झाली.
तज्ज्ञांच्या मते, पुढील काही दिवसांमध्ये आंतरराष्ट्रीय बाजारपेठेत मोठे बदल होण्याची शक्यता असून, सोन्याच्या किंमतींमध्ये चढ-उतार सुरूच राहणार आहेत. सध्या मात्र, टॅरिफच्या भीतीवर ब्रेक लागल्याने गुंतवणूकदारांनी सुटकेचा निश्वास सोडला आहे.
——————————————————————————————
