भारतातून अनेक देशांत हापूस होतो निर्यात ; अमेरिकेत जास्त मागणी

भारत जवळपास ४१ देशांना आंब्यांची निर्यात करतो. ज्यामध्ये अमेरिका, जपान, न्यूझीलंड, ऑस्ट्रेलिया आणि दक्षिण आफ्रिका यांचा समावेश आहे. 

आंब्याच्या जाती, कोणत्या राज्यात पिकतो व कोणत्या देशात निर्यात होतो –

केसर : गुजरात आणि महाराष्ट्रात पिकतो. मध्य-पूर्व देश, युरोप या देशात निर्यात होतो.

बनगनपल्ली : आंध्र प्रदेशात पिकतो. खाडी देश (UAE, Saudi Arabia), सिंगापूर या देशात निर्यात होतो.

दशेरी : उत्तर भारतात – उत्तर प्रदेशात पिकतो. कॅनडा, अमेरिका, यु.के. या देशात निर्यात होतो.

लंगडा, तोतापुरी, चौसा : हे आंबे भारतात अनेक राज्यात पिकतात. या आंब्यांच्या दर्जानुसार निर्यात होतात.

आंब्याच्या जाती, उत्पादनाचा भूभाग व त्यांचे वैशिष्ट्य :

हापूस (अल्फोन्सो ) : महाराष्ट्र – गोडसर, सुगंधी आणि रेशमासारखा पोत. साखर भरलेली चव आणि केशरी रंग. निर्यातीसाठी प्रसिद्ध. सर्वाधिक महाग.

केसर : गुजरात – जुनागढ आणि गिरनार – गडद केशरी गर. खूप गोड व सुगंधी. “मिठो केसर” म्हणून ओळखला जातो.

लंगडा : उत्तर प्रदेश (वाराणसी)- हिरवट रंगाचा आंबा. खूप रसाळ आणि गोड. पातळ साल आणि नाजूक गर. तुलनेने कमी सुगंध.

दशहरी : उत्तर प्रदेश – लखनऊ आणि मलिहाबाद – मध्यम आकाराचा, गोडसर, सुगंध. लांबट आणि गडद पिवळसर रंग.

बदामी : कर्नाटक- “कर्नाटकचा हापूस” म्हणून ओळख. सौम्य चव, गोडसर. केशरी रंगाचा गर.

चौसा : बिहार / उत्तर भारत- अतिशय गोड आणि रसाळ. तोंडात विरघळणारा पोत. साठवणीसाठी उपयुक्त.

रुमानी : आंध्र प्रदेश / तामिळनाडू- मध्यम गोडसर. लालसर पिवळा रंग. खूप रसाळ पण थोडा आंबटगोड.

नीलम : दक्षिण भारत- उशिरा येणारा हंगाम (जून-जुलै). गोडसर, सुवासिक. लहान आकार.

तोतापुरी : दक्षिण भारत – आंबटसर गोड. मोठा आकार, टोकदार शेपटी. प्रक्रिया उद्योगासाठी उपयुक्त (रस, आंबा पल्प)

राजापुरी : महाराष्ट्र / कर्नाटक- मोठा आकार. आंबटसर चव. लोणचं बनवण्यासाठी प्रसिद्ध.

——————————————————————————————–