नवी दिल्ली : प्रसारमाध्यम वृत्तसेवा
जपान, तंत्रज्ञानाच्या क्षेत्रात नेहमीच आघाडीवर असलेला देश, पुन्हा एकदा चर्चेत आला आहे. यावेळी कारण आहे त्यांच्या संशोधकांनी साधलेला अभूतपूर्व इंटरनेट वेग. एका ताज्या अहवालानुसार, जपानच्या नॅशनल इन्स्टिटयूट ऑफ इन्फॉर्मेशन अँड कम्युनिकेशंस टेक्नोलॉजी (NICT) येथील शास्त्रज्ञांनी 1.02 दशलक्ष गिगाबाइट्स प्रति सेकंद इतक्या अफाट वेगाने डेटा डाउनलोड करण्याचा नवा विक्रम प्रस्थापित केला आहे.
हा स्पीड इतका विलक्षण आहे की तो जगातील सर्वसामान्य इंटरनेट कनेक्शनच्या तुलनेत लाखो पटीने जास्त आहे. या वेगाने एखादा चित्रपट किंवा संपूर्ण वेब सिरीज डोळ्याचे पापण हलण्याच्या आतच डाउनलोड होऊ शकते. उदाहरण द्यायचे झाल्यास, ‘Call of Duty: Warzone’ सारखा सुमारे 150 GB आकाराचा गेम अवघ्या एका सेकंदात डाउनलोड करता येईल.
हे कसे शक्य झाले?
या क्रांतिकारक शोधामागे आहे अत्याधुनिक ऑप्टिकल फायबर टेक्नोलॉजी आणि प्रगत सिग्नल प्रोसेसिंग. संशोधकांनी अनेक स्तरांवर डेटा ट्रान्समिशनचा वापर करून, या वेगाला साध्य केले आहे. हे तंत्रज्ञान सध्या वापरात असलेल्या नेटवर्क्सच्या तुलनेत केवळ वेगवानच नाही, तर अधिक कार्यक्षम आणि स्थिरही आहे.
जगभरात तुलना
-
अमेरिकेच्या सरासरी इंटरनेट स्पीडपेक्षा ३.५ पट जास्त
-
भारताच्या सरासरी स्पीडपेक्षा १.६ कोटी पट जास्त
-
जगातील सामान्य इंटरनेट स्पीडपेक्षा १००००० पट जास्त
या वेगाने तुम्ही एकाच वेळी १००००० हून अधिक 4K चित्रपट डाउनलोड करू शकता आणि तेही एका सेकंदात!
हा विक्रम केवळ प्रयोगशाळेतील यश नसून भविष्यातील इंटरनेट सेवांचे चित्र स्पष्ट करणारा मैलाचा दगड आहे. यामुळे AI, क्लाऊड कंप्युटिंग, 8K व्हिडीओ स्ट्रीमिंग, मोठ्या प्रमाणात डेटा ट्रान्सफर, आणि अवकाश संशोधन यांसारख्या क्षेत्रांत क्रांती होऊ शकते. जपानचा हा विक्रम मानवाच्या डिजिटल युगातील झेपेचे प्रतीक ठरतो. आता उर्वरित जग या प्रगतीचा पाठलाग कसा करते, हे पाहणे औत्सुक्याचे ठरेल.
———————————————————————————-
