राज्यात ऑनलाइन अकरावी प्रवेश प्रक्रिया सुरू

राज्यात विद्यार्थी उत्तीर्ण १४.५५ लाख  जागा उपलब्ध २०.४३ लाख

कोल्हापूर विभागात विद्यार्थी उत्तीर्ण १.२५ लाख  जागा उपलब्ध १.९३ लाख 

कोल्हापूर : प्रसारमाध्यम न्यूज 

राज्यभरात ऑनलाइनने अकरावी प्रवेशाची प्रक्रिया आजपासून सुरू होत असून यंदा राज्यातील दहावीची परीक्षा उत्तीर्ण झालेल्या १४.५५ लाख विद्यार्थ्यांसाठी २०.४३ लाख जागा उपलब्ध आहेत. म्हणजेच एकूण पात्र विद्यार्थ्यांपेक्षा सुमारे सहा लाख जास्त जागा आहेत. कोल्हापूर विभागाचा विचार करता कोल्हापूर विभागातून १.२५ लाख विद्यार्थी उत्तीर्ण झाले.

अकरावी ऑनलाइन प्रवेश प्रक्रिया सुरू होण्याच्या पूर्वसंध्येला माध्यमिक व उच्च माध्यमिक संचालनालयाने राज्यभरातील प्रवेश क्षमतेची माहिती प्रसिद्ध केली. या माहितीनुसार राज्यातील ९२८१ नोंदणी केलेल्या कनिष्ठ महाविद्यालयांमध्ये मिळून २० लाख ४३ हजार २५४ जागा अकरावी प्रवेशासाठी उपलब्ध आहेत. यात सर्वाधिक म्हणजेच आठ लाख ५२ हजार २०६ जागा विज्ञान शाखेच्या आहेत. त्या खालोखाल कला शाखेसाठी सहा लाख ५० हजार ६८२ आणि वाणिज्य शाखेसाठी पाच लाख ४० हजार ३१२ जागा आहेत.

विभागनिहाय उपलब्ध जागा –