मतदारसंघांचा अंतिम आराखडा जाहीर

कोल्हापूर : प्रसारमाध्यम न्यूज

जिल्हा परिषदेच्या निवडणुकीसाठी ६८ मतदारसंघांचा अंतिम प्रारूप आराखडा विभागीय आयुक्त कार्यालयाने जाहीर केला आहे. प्रारूप आराखड्यावर दाखल झालेल्या १३२ हरकतींपैकी १२४ हरकती फेटाळण्यात आल्या असून, कागल तालुक्यातील ६ व चंदगड तालुक्यातील २ हरकती मान्य करून बदल करण्यात आले आहेत.

कागल तालुक्यातील बाणगे जिल्हा परिषद मतदारसंघ रद्द करून ‘म्हाकवे’ मतदारसंघ तयार करण्यात आला आहे. म्हाकवे ग्रामस्थांनी दाखल केलेली हरकत मान्य झाली असून, त्यामुळे कागल तालुक्यातील मतदारसंघांची संख्या पाचऐवजी सहा झाली आहे.

तालुकानिहाय मतदारसंघ

• शाहूवाडी : शित्तूर तर्फे वारुण, सरुड, बांबवडे, आंबार्डे – ४ मतदारसंघ

• पन्हाळा : सातवे, कोडोली, पोर्ले तर्फे ठाणे, यवलूज, कोतोली, कळे – ६ मतदारसंघ

• हातकणंगले : घुणकी, भादोले, कुंभोज, आळते, शिरोली, रुकडी, रुई, कोरोची, कबनूर, पट्टणकोडोली, रेंदाळ – ११ मतदारसंघ

• शिरोळ : दोनोळी, उदगाव, आलास, नांदणी, यड्राव, अब्दुललाट, दत्तवाड – ७ मतदारसंघ

• कागल : कसबा सांगाव, सिद्धनेर्ली, बोरवडे, म्हाकवे, चिखली, कापशी – ६ मतदारसंघ

• करवीर : शिये, वडणगे, उचगाव, मुडशिंगी, गोकुळ शिरगाव, पाचगाव, कळंबे तर्फे ठाणे, पाडळी खुर्द, शिंगणापूर, सांगरूळ, सडोली खासला, निगवे खालसा – १२ मतदारसंघ

• गगनबावडा : तिसंगी, आसळज – २ मतदारसंघ

• राधानगरी : कसबा तारळे, कसबा वाळवे, सरवडे, राधानगरी – ४ मतदारसंघ

• भुदरगड : गारगोटी, पिंपळगाव, आकुर्डे, कडगाव – ४ मतदारसंघ

• आजरा : उत्तूर, पेरणोली – २ मतदारसंघ

• गडहिंग्लज : गडहिंग्लज, कसबा नूल, हलकर्णी, भडगाव, गिजवणे, नेसरी – ६ मतदारसंघ

• चंदगड : आडकूर, माणगाव, कुदनूर, तुडये – ४ मतदारसंघ

एकूण ६८ मतदारसंघांमधून जिल्हा परिषद निवडणुकीचे प्रतिनिधी निवडले जाणार आहेत. आता या मतदारसंघांवर प्रभागनिहाय आरक्षणाची घोषणा होणे बाकी असून त्याकडे सर्वांचे लक्ष लागले आहे.

—————————————————————————————–