कोल्हापूर : प्रसारमाध्यम न्यूज
यूपीआय (Unified Payments Interface) मुळे देशात डिजिटल व्यवहार सहज आणि वेगवान झाले आहेत. मात्र, याच यूपीआयचा गैरवापर करून सायबर गुन्हेगार आर्थिक फसवणुकीचे जाळे पसरवत आहेत. त्यामुळेच UPI वापरणाऱ्या प्रत्येकाने सजग आणि साक्षर डिजिटल नागरिक होण्याची गरज निर्माण झाली आहे.
खाली दिलेली माहिती ‘UPI सुरक्षा पोर्टल’प्रमाणे वापरून तुम्ही स्वतःला सायबर फसवणुकीपासून सुरक्षित ठेवू शकता
धोकादायक प्रकार ओळखा –
- स्क्रीन शेअरिंग अ‍ॅप्सचा वापर : गुन्हेगार मोबाईलवर नियंत्रण मिळवण्यासाठी AnyDesk, TeamViewer सारखी अ‍ॅप्स डाउनलोड करायला लावतात. एकदा मोबाईलवर ताबा मिळाला, की UPI PIN, OTP, बँक माहिती सहज मिळते.
- Pay Request फसवणूक : “पिन टाकल्यावर पैसे मिळतील” असे सांगून Pay Request पाठवली जाते. UPI PIN फक्त पैसे पाठवण्यासाठी वापरला जातो. कोणतीही Pay Request न विचारता नाकारावी.
- फसवे कॉल्स व बनावट लिंक : KYC अपडेट, बँक प्रतिनिधी म्हणून कॉल येतो आणि OTP, PIN विचारले जातात. कोणतीही बँक ही माहिती फोनवर मागत नाही. कोणत्याही अनोळखी लिंकवर क्लिक करू नका.
सुरक्षित UPI वापराचे ७ सोपे नियम
✅ अधिकृत UPI अ‍ॅप वापरा (PhonePe, Google Pay, BHIM इ.)
✅ स्क्रीन शेअरिंग अ‍ॅप्सपासून दूर रहा
✅ Pay Request स्वीकारण्याआधी खात्री करा. शक्यतो नाकारा
✅ कोणत्याही फोन कॉलवर PIN, OTP, पासवर्ड सांगू नका
✅ UPI PIN कोणासाठीही शेअर करू नका
✅ बँकेशी संबंधित व्यवहारासाठी अधिकृत हेल्पलाईनच वापरा
✅ फसवणूक झाल्यास त्वरित सायबर क्राइम हेल्पलाइन १९३० वर संपर्क करा
जनजागृती हाच उपाय !
डिजिटल युगात फसवणूक करणारेही स्मार्ट झाले आहेत. पण तुम्ही सजग राहिलात, तर तुमचे पैसे, तुमची माहिती सुरक्षित राहील. माहिती असणं हीच खरी डिजिटल साक्षरता आणि आर्थिक सुरक्षा आहे.
‘डिजिटल पेमेंट, स्मार्ट वापर!’ – हा संदेश फक्त तुमच्यासाठी नाही, तर तुमच्या कुटुंबासाठी, मित्रांसाठी आणि समाजासाठीही आहे. आजच शेअर करा.
—————————————————————————————–
