The Cabinet has approved the third phase of the Centrally Sponsored Scheme (CSS).
नवी दिल्ली : प्रसारमाध्यम वृत्तसेवा
पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत देशातील वैद्यकीय शिक्षण आणि आरोग्यसेवेच्या क्षेत्रासाठी महत्त्वपूर्ण निर्णय घेण्यात आला आहे. मंत्रिमंडळाने केंद्र पुरस्कृत योजनेच्या (CSS) तिसऱ्या टप्प्यास मंजुरी दिली असून, या योजनेअंतर्गत विद्यमान राज्य सरकार आणि केंद्र सरकारच्या वैद्यकीय महाविद्यालये, स्वतंत्र पदव्युत्तर संस्था आणि सरकारी रुग्णालयांचा विकास करण्याचे उद्दिष्ट आहे.
या योजनेत ५,००० नव्या पदव्युत्तर (PG) जागा वाढवण्यात येणार आहेत. यासोबतच विद्यमान सरकारी वैद्यकीय महाविद्यालयांच्या श्रेणी सुधारणेसाठी CSS विस्तार करून ५,०२३ एमबीबीएस जागाही वाढवल्या जाणार आहेत. यामुळे सरकारी वैद्यकीय महाविद्यालयांमध्ये प्रवेश घेणाऱ्या विद्यार्थ्यांना मोठ्या संधी उपलब्ध होतील आणि देशातील वैद्यकीय तज्ज्ञांची संख्या लक्षणीय वाढेल.
केंद्र सरकारच्या माहिती प्रणाली नुसार, या वाढीमुळे ग्रामीण तसेच शहरी भागातील आरोग्य सेवा अधिक सक्षम होतील. नव्या PG आणि एमबीबीएस जागांमुळे डॉक्टरांची कमतरता भरून काढता येईल, रुग्णांना उच्च दर्जाची सेवा मिळेल आणि आरोग्यसेवेच्या दर्जात मोठा सुधारणा होईल.
आरोग्य मंत्रालयाने स्पष्ट केले की, CSS च्या तिसऱ्या टप्प्याद्वारे विद्यमान सरकारी वैद्यकीय महाविद्यालयांचे स्तरीकरण सुधारणे, जागा वाढवणे, अत्याधुनिक सुविधा उपलब्ध करणे आणि संशोधन व प्रशिक्षणाला प्रोत्साहन देणे हा मुख्य उद्देश आहे.
विशेष म्हणजे, या निर्णयामुळे देशातील वैद्यकीय शिक्षण क्षेत्रात इतिहासिक पाऊल टाकले जात आहे, ज्यामुळे भविष्यातील डॉक्टर आणि तज्ज्ञांच्या उपलब्धतेत मोठी वाढ होईल आणि संपूर्ण आरोग्य यंत्रणेची मजबुती होईल.
