स्टेटसमध्ये लवकरच येणार अपडेट !

WABetaInfo च्या माहितीनुसार, व्हॉट्सअ‍ॅपने आपल्या अँड्रॉइड बीटा अॅपच्या 2.25.27.5 या व्हर्जनमध्ये स्टेटस रीशेअरिंग कंट्रोल फीचरची चाचणी सुरू केली आहे. या फीचरमुळे यूझर्सना त्यांचे स्टेटस कोण रीशेअर करू शकते हे ठरवण्याचा पर्याय मिळेल. आतापर्यंत फक्त स्टेटस कोण पाहू शकतो यावरच नियंत्रण होते, परंतु आता शेअरिंगवरही नियंत्रण ठेवता येईल.

नवीन फीचरमध्ये, जर कोणी तुमचा स्टेटस रीशेअर केला, तर मूळ ऑथरची माहिती दिसणार नाही आणि फक्त रीशेअर आयकॉनच दिसेल. यामुळे रीशेअर करणाऱ्याची ओळख सुरक्षित राहील आणि मूळ पोस्ट करणाऱ्याला कोणतीही सूचना जाणार नाही.

हे फीचर सध्या फक्त बीटा व्हर्जनमध्ये उपलब्ध असून, ते डीफॉल्टनुसार बंद आहे. इच्छुक यूझर्सना हे फीचर मॅन्युअली सक्षम करावे लागेल. लवकरच हे अपडेट सर्व अँड्रॉइड यूझर्ससाठी रोलआउट होण्याची अपेक्षा आहे.

या नव्या स्टेटस रीशेअरिंग कंट्रोल फीचरमुळे व्हॉट्सअ‍ॅप यूझर्सना त्यांच्या गोपनीयतेवर हवी तशी पकड मिळणार आहे. स्वतःच्या स्टेटसचा प्रसार कोणापर्यंत व्हावा हे ठरवण्याची ताकद आता थेट यूझरच्या हातात येणार आहे. त्यामुळे स्टेटस शेअर करताना अधिक आत्मविश्वास आणि सुरक्षिततेची हमी मिळेल, आणि व्हॉट्सअ‍ॅपवरील संवाद अनुभव खऱ्या अर्थाने अधिक वैयक्तिक आणि सुरक्षित होईल.

————————————————————————————————————————-