National Payments Corporation of India (NPCI) users will now be able to convert their UPI payments into monthly installments or EMIs.
नवी दिल्ली : प्रसारमाध्यम वृत्तसेवा
नॅशनल पेमेंट्स कॉर्पोरेशन ऑफ इंडिया (NPCI) एक नवीन फीचर विकसित करत असल्याचे वृत्त आहे, ज्यामुळे यूझर्स आता त्यांचे UPI पेमेंट मासिक हप्त्यांमध्ये किंवा EMI मध्ये रूपांतरित करू शकतील. TOI च्या अहवालानुसार, हे पाऊल मुख्यतः क्रेडिट उत्पादनांना प्रोत्साहन देण्यास आणि किरकोळ डिजिटल पेमेंटमध्ये वाढीच्या पुढील टप्प्याला गती देण्यासाठी NPCI च्या धोरणाचा भाग आहे.
ईटीच्या रिपोर्टनुसार, NPCI फिनटेक कंपन्यांना हे ईएमआय पेमेंट फीचर उपलब्ध करून देण्याची तयारी करत आहे. या सुविधेमुळे यूझर्स त्यांच्या यूपीआय व्यवहार त्वरित ईएमआयमध्ये रूपांतरित करू शकतील आणि NPCI ला यूपीआय नेटवर्कद्वारे अधिक क्रेडिट व्यवहारांना चालना मिळेल, असा उद्देश आहे.
मीडिया रिपोर्ट्स नुसार, हे फीचर पॉइंट-ऑफ-सेल टर्मिनल्सवर कार्ड पेमेंट करण्यासारखेच असेल, ज्यामुळे यूझर्सना कार्ड स्वाइप प्रमाणेच त्वरित पेमेंट ईएमआयमध्ये रूपांतरित करता येईल. UPI क्रेडिट कार्डचा विस्तार आणि यूपीआय नेटवर्कवर क्रेडिट सुविधा सुरू झाल्यानंतर NPCI या फीचरची अंमलबजावणी करण्याचा विचार करत आहे. काही बँका, जसे की Nuvem आणि Paytm, यांनी UPI यूझर्ससाठी क्रेडिट सुविधांमध्ये सहज प्रवेश देण्यासाठी भागीदारी केली आहे.
नवीचे CEO राजीव नरेश यांनी ET ला सांगितले की, सध्या त्यांच्या सिस्टमवर ईएमआय ऑप्शन लाइव्ह नाही, मात्र NPCI च्या प्रोडक्ट मार्गदर्शक तत्त्वांनुसार, लवकरच यूझर्स काही अटींच्या अधीन राहून QR कोड स्कॅन करताना पेमेंट EMI मध्ये रूपांतरित करू शकतील.
सचिन बन्सल यांच्या समर्थित फिनटेक कंपन्या क्रेडिट-आधारित पेमेंटवर लक्ष केंद्रित करत आहेत, ज्यामुळे UPI अॅप्ससाठी शाश्वत व्यवसाय मॉडेल तयार होण्यास मदत होईल. फिनटेक फाउंडर्सच्या मते, UPI वरील क्रेडिटमुळे सर्वाधिक महसूल मिळेल, तर RuPay डेबिट कार्ड आणि UPI पेमेंटवर सरकारच्या शून्य-शुल्क धोरणामुळे व्यापाऱ्यांकडून बचत खाते-आधारित व्यवहारांसाठी शुल्क आकारले जाऊ शकत नाही.
सध्या, UPI दररोज अंदाजे 20 अब्ज ट्रांझेक्शन हाताळते, ज्याचा अॅक्टिव्ह यूझर आधार 25 –30 कोटींपेक्षा जास्त आहे. NPCI च्या या नवीन क्रेडिट फीचरमुळे, UPI स्वतःचे क्रेडिट इकोसिस्टम तयार करेल, ज्यामुळे लाखो यूझर्स जे क्रेडिट कार्ड नसतानाही खरेदी करत असतात, त्यांना चेक आउट वित्तपुरवठा उपलब्ध होईल.
याचा थेट परिणाम म्हणजे डिजिटल व्यवहार अधिक सुलभ, लवचिक आणि व्यापक प्रमाणावर होणार आहे. EMI मध्ये UPI पेमेंटची सुविधा सुरु झाल्यानंतर मोठ्या खरेदीसाठी आर्थिक ताण कमी होईल आणि खर्च व्यवस्थापन अधिक सोपे होईल.
